РОССИЙСКО-АРМЯНСКИЙ УНИВЕРСИТЕТ

18 Մայ
2021

ՀԱՅ-ՌՈՒՍԱԿԱՆ ՀԱՄԱԼՍԱՐԱՆԸ ՀԱՅՏԱՏՐԱՐՐՈՒՄ Է «Քաղաքական Տնտեսագիտություն» մասնագիտությամբ մագիստրոսական ծրագրի ընդունելություն`

առկա եվ հեռակա ուսուցմամբ

Մագիստրոսական ծրագրի նպատակն է պետության տնտեսական քաղաքականության մշակման և իրականացման բնագավառում բարձր որակավորում ունեցող ղեկավարների և մասնագետների պատրաստումը: «Քաղաքական տնտեսագիտություն» մագիստրոսական ծրագիրը նախատեսված է նրանց համար, ովքեր հետաքրքրված են Հայաստանի և աշխարհի սոցիալ-տնտեսական վիճակը կանխորոշող բարդ գործընթացներով, ցանկանում են ձեռք բերել տնտեսական որոշումների ընդունման հմտություններ, ինչպես նաև սովորել այդ որոշումներին տալ արհեստավարժ քանակական և որակական գնահատականներ: Ծրագիրը հնարավորություն կընձեռի նաև բացահայտել երկրի ընթացիկ և համաշխարհային քաղաքականության ազդեցությունը տնտեսական որոշումների կայացման վրա, և ընդհակառակը: Տնտեսագիտության և քաղաքականության փոխազդեցությունը և փոխներգրավվածությունը հանդիսանում են բարդ համակարգային գործընթաց, որի ուսումնասիրումը և իմացությունը անհրաժեշտ է բոլոր նրանց, ովքեր որոշել են մասնագիտանալ այս ոլորտում:

Մեր դասախոսական կազմի անդամները բազմամյա գործունեության փորձ ունեն ակադեմիական բնագավառում, պետական կառավարման մարմիններում և մասնավոր հատվածում:
Ծրագիրը նախատեսում է պրակտիկայի անցկացում Ձեր հետազոտական հետաքրքրությունների հետ առընչվող կազմակերպություններում, ինչպես նաև ընձեռում է աշխատանքի հնարավորություն պետական կառավարման մարմիններում և միջազգային կառույցներում:
Ուսման վարձը կազմում է՝

առկա ուսուցում՝ 900 հազ. դրամ
հեռակա ուսուցում – 500 հազ. դրամ

Ծրագրի նակարագիրը՝

Ծրագրի ղեկավար՝ ՀՌՀ Ռեկտոր, ՀՀ ԳԱԱ թղթ. անդամ, տ.գ.դ., պրոֆեսոր, Արմեն Ռազմիկի Դարբինյան
Ոսուցման լեզուն՝ – ռուսերեն: Ծրագրի շրջանակներում նախատեսված է անգլերենով 5 և հայերենով 1 առարկայի դասավանդում
Ուսման տևողությունը՝ 2 տարի
Շրջանավարտները կստանան պետական նմուշի երկու դիպլոմ (ՌԴ և ՀՀ)