Նկարագիր
Կարճ տեղեկանք
Ծնվել է 1953թ. նոյեմբերի 16-ին Լեռնային Ղարաբաղի (Արցախի) Մարտակերտի շրջանի Թալիշ գյուղում: Ծնողները՝ Գևորգ Աբրահամի Աբրահամյանը և Լյուբա Գրիգորի Աբրահամյանը, լինելով վաստակավոր մանկավարժներ, դասավանդել են գյուղի միջնակարգ դպրոցում: Լուսավորության տարածման նպատակով հայրը անցած դարի երեսունական թվականներին Լենինականի Պոլիգոն որբանոցից հասել է Թալիշ գյուղ, իսկ մայրը, նույն նպատակով, անցած դարի քառասունական թվականների սկզբին ժամանել է Բաքվից: Ծնողներն ունեցել են բարձրագույն կրթություն՝ գերազանցությամբ ավարտելով Ադրբեջանի մանկավարժական ինստիտուտը` Բաքու քաղաքում:
1970թ. ավարտել է գյուղի միջնակարգ դպրոցը: 1970-1975թթ. սովորել և հաջողությամբ ավարտել է Երևանի Կ. Մարքսի անվան պոլիտեխնիկական ինստիտուտը ու ստացել ինժեներ տնտեսագետի որակավորում «Մեքենաշինական արտադրության էկոնոմիկա և կազմակերպում» մասնագիտությամբ:
1979թ. մրցույթով ընդունվել է Մոսկվայի Ն.Է. Բաումանի անվան բարձրագույն տեխնիկական համալսարանի ասպիրանտուրայի ցերեկային բաժինը, որը հաջողությամբ ավարտել է 1982թ: 1983թ. նույն բուհում հաջողությամբ պաշտպանել է թեկնածուական ատենախոսությունը՝ ստանալով տեխնիկական գիտությունների թեկնածուի գիտական աստիճան՝ նույն մասնագիտությամբ:
1975-1979թթ. և 1982-2004թթ. աշխատել է Երևանի հաստոցաշինական արտադրական միավորումում՝ զբաղեցնելով հետևյալ պաշտոնները՝ արտադրամասի տնտեսագետ (1975-1979թթ.), գիտատեխնիկական առաջընթացի բյուրոյի ղեկավար (1983-1984 թթ.), գլխավոր տնտեսագետ (1985-1990թթ), գլխավոր տնօրենի տեղակալ տնտեսագիտական և արտադրական հարցերի գծով (1990-1997թթ.), աշխատանքային կոլեկտիվի խորհրդի նախագահ և բաժնետիրական ընկերության փոխնախագահ (1994-1997թթ.):
1997-2004թթ. աշխատել է «Երևանի հաստոցաշինական արտադրական միավորում» ԲԲԸ գլխավոր տնօրեն: Գլխավոր տնօրենի համառ ջանքերով 1997-2004թթ. ամբողջությամբ վերականգնվել և վերակառուցվել է միավորման կազմակերպական և արտադրական-տեխնոլոգիական համալիրը: Մշակվել, յուրացվել ու կազմակերպվել է նոր տիպաչափի մետաղահատ հաստոցի խոշոր խմբային արտադրությունը, որը ուներ մեծ պահանջարկ արտասահմանյան երկրներում և ամբողջությամբ արտահանվում էր: Նույն ժամանակահատվածում հաջողությամբ իրականացվել են ՀՀ ՊՆ ռազմաարդյունաբերական համալիրի պատվերները՝ խոշոր խմբաքանակով թողարկվել է պատրաստի զինատեսակ, կատարվել են առանձին զինատեսակների խոշոր խմբաքանակների նորոգման-վերականգնման աշխատանքներ: Մշակվել ու կատարելագործվել է ՀՀ կողմից ներմուծվող զինատեսակ և հաջողությամբ իրականացվել է փորձնական խմբաքանակի փորձարկման աշխատանքները՝ սեփական արտադրության զինամթերքով: Նախագծված զինատեսակը իր ցուցանիշներով գերազանցել է ներմուծվող զինատեսակի տեխնիկական-շահագործման ցուցանիշները:
2004թ. դասավանդում է Հայ-ռուսական (Սլավոնական) համալսարանում, իսկ 2005թ.՝ նաև Երևանի պետական համալսարանում:
2011թ. պաշտպանել է դոկտորական ատենախոսություն և ստացել տնտեսագիտության դոկտորի գիտական աստիճան:
2016թ ստացել է պրոֆեսորի գիտական կոչում:
Հրատարակել է 99 գիտական աշխատանք, որից՝ երկու մենագրություն և երեք ուսումնական ձեռնարկ:
1991-1995թթ. հանդիսացել է Երևանի քաղաքային խորհրդի պատգամավոր:
CV
Գիտական հետաքրքրություններ
- Արտադրության կազմակերպում ու կառավարում
- Ինովացիոն գործընթացների կառավարում
- Լոգիստիկական շղթաների ձևավորում ու կառավարում
- Միջազգային տրանսպորտային միջանցքներ
Հրապարակումների ցուցակ
- Աբրահամյան Վ.Գ. "Մետաղակտր հաստոցների արտադրության մեխանիկական մշակումների աշխատանքատարության վերլուծություն", Հայաստանի արդյունաբերություն, #12, 1982թ․, էջ 46-47
- Աբրահամյան Վ.Գ. "Մետաղակտր հաստոցների հավաքման աշխատանքատարությունը", Հայաստանի արդյունաբերություն, #4, 1983թ․, էջ 48-49
- Կոլոբով Ա.Ա., Լիպգարտ Ա.Դ., Բոնդարև Գ.Ս., Աբրահամյան Վ.Գ. "Լիացման նախնական նյութերի ընտրության տեխնիկական-տնտեսական հիմնավորում", Ձուլման արտադրություն, #12, Մոսկվա, 1983թ․, էջ 28-29
- Վարդանյան Լ.Ե., Աբրահամյան Վ.Գ. "Հաստոցի մասերի նախնական նյութերի ստացման գործընթացների տեխնիկական-տնտեսական հիմնավորում", Համամիութենական գիտաժողովի թեզիսներ, Մոսկվա, ՄԲՏՈՒ, 1984թ․
- Կոլոբով Ա.Ա., Բոնդարև Գ.Ս., Աբրահամյան Վ.Գ. "Սև մետաղի ծախսի նորմերի հաշվման մեթոդիկա", ՆԻԻմաշ, Մոսկվա, 1983թ
- Կոլոբով Ա.Ա., Բոնդարև Գ.Ս., Աբրահամյան Վ.Գ. "Մետաղակտր հաստոցների արտադրության նախագծման և պլանավորման աշխատանքատարության նորմերի որոշման և խոշորացված հաշվարկի մեթոդիկան", ՆԻԻմաշ, Մոսկվա, 1984թ․
- Կոլոբով Ա.Ա., Բոնդարև Գ.Ս., Աբրահամյան Վ.Գ. "Մեքենաշինական նախնական նյութերի ստացման ռացիոնալ տարբերակի ընտրությունը. Տեխնիկական և տնտեսական հիմնավորում", ՌՏՄ2-Ն07-2-85, Մոսկվա, ՆՊՈ "Օրգստանկինպրոմ", 1985թ․
- Աբրահամյան Վ.Գ. "Արտադրության մեջ բազմատեսակ արտադրանքի արտադրության աշխատանքատարության կառուցվածքային գործոնների դասակարգում և փոխկապակցություն", Տեղեկատվական տեխնոլոգիաներ և կառավարում, 2006թ․, #3-1, էջ 217-231
- Աբրահամյան Վ.Գ. "Բազմատեսակ արտադրանքի աշխատանքատարության կառուցվածքային գործոնների մոդելների մշակումը", Տեղեկատվական տեխնոլոգիաներ և կառավարում, 2006թ․, #3-2, էջ 143-155
- Абрамян В.Г. "Разработка экономико-математической модели установления оптимального соотношения материальных и трудовых затрат между заготовительной и механо-обрабатывающей стадиями производства многономенклатурной машиностроительной корпорации (на примере станкостроения). Информационные техно- логии и управление. 2006, # 3-2., 156-166
- Աբրահամյան Վ.Գ. "Նախնական նյութերի և աշխատանքային ծախսերի օպտիմալ հարաբերակցության որոշման տնտեսական-մաթեմատիկական մոդելի մշակում", Տեղեկատվական տեխնոլոգիաներ և կառավարում, 2006թ․, #3-2, էջ 156-166
- Աբրահամյան Վ.Գ. "«Հարավ-Արևմուտք» և «Հյուսիս-Հարավ» տրանսպորտային միջանցքների արդյունավետության համեմատական գնահատում և զարգացման հեռանկարները", E3S Web of Conferences 403, 07027 (2023), ESCP-2023 https://doi.org/10.1051/e3sconf/202340307027